Necled Dreigiau Mellt Preseli Arian £265.00

✓ Cludiant am ddim
✓ Lapio fel anrheg am ddim (dewisol)
✓ Gwarant ad-daliad 90 diwrnod
✓ Gwarant gwneuthuriad am oes
✓ Gwarant cyfnewid am oes
✓ 50% oddi ar lanhau, gwerthuso, addasiadau a thrwsio
    (gw. amodau a thelerau)

Manylion

Darn trawiadol ar gfyer unrhyw achlysur.

Mae'r ddraig, neu'r sarff, yn symbol pwysig yng nghelfyddyd y Celtiaid, ac mae'n aml yn gysylltiedig â ffynhonnau neu ddŵr sanctaidd. Yn y cynllun yma gwelir dwy ddraig yn cofleidio darn o garreg las Preseli.

Mae’r garreg las a welir ar fynydd Preseli yn garreg hynod, cymaint felly fel y trafferthodd rhywrai yn yr amser cyn hanes i'w gludo o orllewin Cymru yr holl ffordd ar draws Prydain er mwyn adeiladu teml arbennig yn ne Lloegr, sef Côr y Cewri (Stonehenge). Gwenithfaen ydyw, yn cynnwys crisialau o farmor gwyn, a phan roddir sglein arno mae'n troi yn lliw gwyrddlas tywyll gyda smotiau gwynion sy'n edrych fel awyr y nos; hyn efallai oedd yn gyfrifol am ei arwyddocâd arbennig i'n cyndeidiau derwyddol yn y cyfnod Celtaidd, neu efallai ei gysylltiadau â iechyd a gwellhad oedd yn gyfrifol.

Mae Rhiannon yn defnyddio cerrig gleison 'cabochon' wedi eu gosod mewn aur neu arian i wneud y gemwaith unigryw hyn. Mae’r Ddraig symbolaidd yn cynrychioli nerthoedd y Ddaear, fel yr ymddangosant mewn ffynhonnau, dyfroedd tanddaearol a meini hirion. Deallai’r derwyddon y pwerau hyn a defnyddient hwy at bwrpasau darogan, iacháu a seremonïau crefyddol.